Rêveberê berê yê CIAyê David Petraeus got ku êriş dikarin bernameya mûşekî ya Îranê an jî hêzên leşkerî bikin hedef û diyar kir ku bi êrişa leşkerî dê bandoreke sînordar li rejîma Îranê bike.
Aloziya di navbera Îran û Dewletên Yekbûyî yên Amerîkayê (DYA) de her ku diçe zêdetir dibe. Rêveberê berê yê CIAyê David Petraeus da zanîn ku êrişên DYAyê yên li dijî Îranê ne pêkan e rejîma Îranê bide guhertin.
Petraeus di 22yê Sibata 2026an de tevlî bernameyeke radyoyeke ya Amerîkayê bû û anî ziman ku heta operasyoneke leşkerî ya mezin jî dê tenê bandoreke bisînor li ser rejîma desthilatdar a Îranê bike.
‘Elî Xamaney ne amadeyê dayîna tavîzan e’
Li gorî Petraeus, rêberê olî yê Îranê Elî Xameneyî wekî îdeologekî tundraw dimîne, bi taybetî jî ne amade ye ku li ser mijarên nukleerî tawîzê bide.
Ev gotin di dema danûstandinên di navbera rayedarên Amerîkî û Îranî de li ser bernameya nukleerî didomin de hat gotin. Serokê Amerîkayê Donald Trump, her çend bi awayekî giştî derî ji dîplomasiyê re vekirî hiştibe jî, di heman demê de diyar kir ku eger danûstandin bi ser nekevin, ew ê hebûna leşkerî ya Amerîkayê li Rojhilata Navîn xurtir bike.
‘Hêjmara qirkirina xwepêşandêrên li Îranê nêzî rastiyê ye’
Trump bênavber bang li Îranê dike ku ji bo peymaneke baştir danûstandinê bike. Tramp herwiha behsa hejmara 32,000 xwepêşanderên ku tê îdiakirin li Îranê hatine kuştin kir. Ev hejmar herçiqas hejmareke hatiye texmînkirin jî ne durî rastiyê ye.
Petraeus diyar kir ku nakokiyên di navbera Îranê û hevalbendê wan Amerîkayê li herêmê, bi taybetî ji bo Îsraîlê, metirsiyê çêdike. Wî her wiha bal kişand ser piştgiriya komên çekdar ên wekî Hîzbûllah, Hamas, Hûsî û milîsên Şîe yên li Iraqê. Li gorî nirxandinan di sekna xwe de israrkirina Îranê dê di navbera Îran û Amerîkayê de bibe sedema mudaxileyeke leşkerî.
