Serokê CHPê Ozgur Ozel û parlamenterên endamên komîsyona pêvajoyê bi rojeva serdana komîsyonê hevdîtina bi Rêberê Gelê Kurd Abdullah Ocalan civiyan.
Serokê Partiya Gel a Komarî (CHP) Ozgur Ozel û parlamenterên CHPê yên endamên Komîsyona Demokrasî, Xwîşk-Biratî û Hevgirtina Milî ne bi rojeva “çûyîna komîsyonê ya cem Abdullah Ocalan” civiya. Raya giştî çaverê ye ku CHPê dê çi biryarê bide.
Saygi Ozturk ê ku qelemşoriya xerakirina pêvajoyê dike, di nûçeya xwe rojnameya Sozcuyê de îdia kir ku CHP berê li ser vê mijarê civiyaye û biryara xwe daye. Rojnameyê bi sernavê “CHP naçe Giravê” nûçe weşand. Saygi Ozturkê qelemşor îdia kir ku endamên komîsyonê Murat Emir, Gokçe Gokçen, Nurhayat Altaca, Salîh Uzun, Murat Bakan, Turkan Elçî û Umut Akdogan çûna Girava Îmraliyê red kirin e.
Endamê Komîsyonê Murat Emîr ev îdia red kir û got ku heta niha li ser çûn an neçûna Girava Îmraliyê biryara wan tune ye.
Tê payîn ku CHP di vê civînê de biryarek li ser serdanê daye.
