Rêberê rûhanî yê Durziyan Şêx Hikmet El Hicrî diyar kir ku Durziyên Sûriyeyê serxwebûnê dixwazin. El Hicrî hikûmeta demkî wek kujer bi nav kir û got ku Îsraîl tekane garantora parastina Durziyan e.
Rêberê rûhanî yê civaka Durziyan şêx Hikmet El Hicrî di hevpevînekê de eşkere kir ku Durzî li Sûriyeyê serxwebûna xwe dixwazin. Hikmet El Hicrî di hevpeyvînê de diyar kir ku rejîma berê ya Sûriyeyê li dijî wan tevgeriya, lê rejîma heyî kujertir e û dixwaze Durziyan ji holê rake.
Şex Hikmet El Hicrî ji rojnameya Îsraîlê Yediot Aharonot re axivî. El Hicrî di hevpeyvînê de got ku komkujiyên li Siwêdayê qirkirin in û komkujiya dawîn îspat kir ku em ji bo parastina civaka xwe nikarin xwe bispêrin kesekî din, ji bilî xwe.
‘Îsraîl me ji qirkirinê rizgar kir’
El Hicrî di hevpeyvînê de qala têkoşîna Durziyan kir û wiha got: “Buhayê wê giran bû, lê ne bê feyde bû. Em li hewl didin ku Durzî di siberojê de nebin qurbanî.” Hikmet El Hicrî diyar kir ku nebûna korîdoreke mirovî ya bi Îsraîlê re wergirtina alîkariyê pir zehmet dike. El Hicrî pesnê Îsraîlê da û got: “Îsraîl tekane welatê cîhanê ye ku bi awayekî leşkerî mudaxele kir û em ji qirkirinê parastin.”
El Hicrî: Em bi Îsraîlê re beşeke hevgirtî ne
El Hicrî anî ziman ku ku têkiliya di navbera Îsraîl û Durziyên Siwêdayê de ne nû ye û beriya hilweşîna Esed hatiye çêkirin û Îsraîl siberojê de garantorê wan e. El Hicrî dibêji ku ew xwe wek beşeke yekgirtî ya hebûna dewleta Îsraîlê dibînin.
‘Danûstandina me bi Şamê re tune ye’ t
Serokê Ruhanî yê Durziyan El Hicrî da zanîn ku têkiliya wan bi hikûmeta demkî ya Şamê re nîn e û kî bi bi vê rejîmê re danûstandinê bike dê bibe sedema hêsankirina ketina cîhadîstan ya nava axa wan.
