11emîn Mihrîcana Şanoyê ya Amedê ya ku bi rojan e bi coşeke mezin berdewam dikir, bi lîstika “RAR” bi dawî bû.
11emîn Mihrîcana Şanoyê ya Navneteweyî ya Amedê bi dirûşma “Ji bo aştiyê diyalog” tê lidarxistin, bi dawî bû. Lîstika “RAR” ku ji aliyê Koma Şanoyê ya Îştar (Ishtar Theatre Company) a ji Tunusê ve hat amadekirin, li Salona Mezin a ÇandAmedê derket ser dikê. Lîstik ji aliyê Ezzeddîne Bchîr ve hatibû nivîsandin û derhêneriya wê jî her wî kiribû. Ev lîstika ku 70 deqîqeyan ajot, bi zimanê Erebî û Fransî hat lîstin û bi binnivîsên Kurdî, Tirkî û Îngilîzî gihîşt temaşevanan.
Lîstik bi taybetî li ser êşên şer, mijara koçberiyê û bandora qeyranên siyasî ya li ser jiyana mirovan disekine. Lîstik peyama “azadî ne tenê babetekî siyasî ye, pirseka man û nemana keremeta mirovatiyê ye” dide. Di lîstikê de hat destnîşankirin ku di nav şer û tarîtiyê de, parastina rûmeta mirovî û daxwaza jiyaneke bêtirs, mafê herî bingehîn e.
Şano bi çepikên temaşevanên li serpiya qediya.
Piştî şanoyê koma ji Ugandayê hatiye salona ÇandAmedê stranê strîn û lîstikên xweyê gelerî lîstin. Bi girseyê re govend gerandin. Piştî bernameya koma ji Ugandayê, hunermend Kemal Ulusoy plaketa xelatê diyarî komê kir. Bername bi gerandina govendê bi dawî bû.
Bi nîşandana vê lîstika bi bandor, 11emîn Mihrîcana Şanoyê ya Amedê îsal perdeya xwe girt.
