Şandeya Brîtanî ku li Bakur û Rojhilatê Sûriyeyê rêzecivînan pêk tîne, serdana nûnerên pêkhate, bawerî, mezheb û olên li herêmê ki.
Şandeya Brîtanî rêzecivînên xwe li Herêma Bakur û Rojhilatê Sûriyeyê dewam dike. Şandeyê serdana Meclisa Ol û Baweriyan û PYNKê kir. Şande ji parlamenter û nûnerên partiyên siyasî yên Brîtanî pêk tê. Di şandeyê de şaredarê bajarokê Madison Township, şêwirmend Martin Round, şêwirmend û cîgira serokê koma karkeran a meclisa kantona Kent Dr. Karen Constantine, serokê berê yê kongreya sendîqayên karkeran Roger Lyon, gerînendeyê şîrketa Mid Kent a firînê Jasmine Capella pêk hat.
Şandeyê serdana dêra Suryan Katolîk a li Qamişloyê kir û li wir bi nûnerên ji ol, bawerî û mezhebên cihêreng, pêkhateyên herêmê ji Kurd, Ereb, Suryan, Elewî, Êzidî û Zerdeştiyan re civiyan. Şandeya kêfxweşiya xwe têkildarî serdana ji herêmê re anî ziman û got: “Em li vir in ku destek û alîkariyê ji we re pêşkêş bikin, dengê we bigihînin gel û hikumeta me da ku mafên etnîk û olan di destûrê de misoger bikin.”
Li aliyekî din jî pêkhate, entnîk û olên li herêmê metirsiyên xwe ji desthilata veguhêz a li Şamê re anîn ziman û gotin: “Rejîma berê xwe dubare dike, li gel me metirsî li ser desthilata nû ku cil û rengê xwe guhertine, heye. Ew nikarin Sûriyeyê bi rê ve bibin, pêkhate, ol û baweriyên li Sûriyeyê nikarin bi azadî bijîn.”
Nûnerên ji elewiyan jî got: “Rejîma berê xwe elewî bibin sotemeniya wê, lê rastî jî ew e ku em di rewşeke aborî ya dijwar de dijîn û tu projeyeke aborî li beravê nehat kirin.”
Nûnerên xiristiyanan jî got: “Xiristiyan di Sûriyeyê de hêmana resen û bingehîn e û tên bidûrxistin. Ji ber wê em, bikaranîna me, weke kêmnetewe di Sûriyeyê de qebûl nakin. Mafên me jî hene û bangawazên azadî û aştiyê ne.”
Nûnerên ji ola êzidî jî got: “Di dirêjahiya dîrokê de li ser êzidiyan siyasetên qirkirina komî hat meşandin. Li Sûriyeyê jî hatin paşguhkirin. Tu taybetmendiyeke mezin di Sûriyeyê de tune bû, em wek îslam dihatin hesibandin. Ji lew re metirsiyên me jî ji desthilata veguhêz a nû heye.”
Keşîşê Dêra Suryan Katolîk a Qamişloyê Yûsif Asî jî wiha got: “Desthilata nû, tolê ji her kesê ku bi rejîma berê re bû tolê hiltîne. Wan serê me bi diyaloga ji bo danîna destûrê de gêj kiribûn. Di dawiyê de jî wek xwe kirine. Çi rizgar kirine, li Idlibê bi deh hezaran welatî di girtîgehan de ne.”
Piştî şandeyê li pêkhateyên herêmê û etnîkên wê guhdarî kir, şandeyê serdana PYNKê kir.
Hevseroka Partiya Yekitiya Demokratîk (PYD) Perwîn Yûsif, Sekreterê Partiya Demoqrat a Kurd li Sûriyeyê (Partî) Nesrendîn Îbrahîm û sekreterê Partiya Çep a Kurdî li Sûriyeyê Mihemed Mûsa, pêşwaziya şandeya Brîtanî kir.
Şandeyê sedem û armancên serdana xwe ji Rojava re şîrove kirin û dûre civîn girtî li pêş dezgehên ragihandinê dewam kir.
