Berdevkê AKPê Omer Çelîk piştî daxuyaniya PKKê ya biryara fesixkirinê axivî û got: “Qonaxeke girîng e.” Efkan Ala jî got ku qonaxek pir girîng derbas kirin e.
Berdevkê AKPê Omer Çelîk li ser hesabê xwe yê medya dîjîtal Xê daxuyaniyek da û ragihand ku “Daxuyaniya PKKê girîng e û wê deriyê serdemeke nû veke.”
Parvekirina Omer Çelîk wiha ye: “Xwegihandina armanca ‘Tirkiyeya bê teror’ di demekê de ku li cîhanê siyaset ji siyasetbûnê dûr ketiye, wê derfetê bide bikaranîna bi bandor a qenalên siyasî yên li Tirkiyeyê, demokrasiya me, jiyana me ya siyasî û yekîtiya me ya neteweyî hîn xurt bike.
Wê bike ku rêyên diyaloga siyasî, di serî de TBMM hemû navnîşanên rewa yên siyasetê bi xurtî bixebitin. Wê hişmendiya ‘komar sîwana me hemûyan e’, feraseta ‘zemîna’ bingehîn a çareseriya hemû pirsgirêkên demokrasiya me ye wê xurt bike û ji aliyê siyasî ve bingehîn bike. Bi hişmendiya dîrok, çarenûs û welatîbûna hevpar, paşeroja me wê li ser zemînên herî xurt û rewa ava bibe. Her qonaxeke erênî wê qonaxeke din a erênî vexwîne. Yên bi ser bikevin wê welatiyên me hemû bin. Prensîba me ya bingehîn ev e: Navên me cuda jî bin, paşnavê me hemûyan Komara Tirkiyeyê ye.”
Daxuyaniya Efkan Ala
