Xizmên Windayan û nûnerên Şaxa ÎHDê yên Amedê ji bo winda bêne dîtin û kujer bêne darizandin di hefteya 866an de kom bûn û aqubeta Mehmet Zafer Demîrkiran pirsîn.
Xizmên Windayan û nûnerên Şaxa Komeleya Mafên Mirovan (ÎHD) ya Amedê ji bo winda bêne dîtin û kujer bêne darizandin li pêş Bîrdariya Mafê Jiyanê ya Parka Koşuyolu ya Amedê di hefteya 866an de çalakiyên xwe berdewam kirin.
Di çalakiyê de wêneyên kesên hatine windakirin û dowîzên “Parastina kujeran hevkariya sûc e!”, “Bila winda bên dîtin, kujer bên darizandin” û “Kujer diyar in, winda li ku ne” hatin hilgirtin.
Di çalakiya vê hefteyê de aqubeta Mehmet Zafer Demîrkiran ê ku di 12ê Îlona 1995an de li mala xwe ya Rezan a Amedê di aliyê kesên xwe wek polîs da nasîn de bi lêdanî hat revandin û 29 sal in agahî jê nayê girtin hat pirsîn. Çîroka Mehmet Zafer Demîrkiran di aliyê endama rêveberiya Komaleya Mafê Mirovan(ÎHD) Berfîn Elçî hat xwendin.
Çalakî bi piştî deqîqeyek rêzgirtinê bi dawî bû.
