ATKê der heqê girtiyê 85 salî Siddik Guler de rapora “rewşa wî ji bo girtîgehê gunav nîne’ da. Parêzer Mehtap Sert diyar kir ku piştî ku ATK biryareke wiha dabe ji bo çi ji eminiyetê tê pirsin? û got ev rewş berdewamiya îşkenceyê nîşan dide.
Saziya Tiba Edlî (ATK), têkildarî girtiyê nexweş Siddik Guler ê 85 salî ku li Girtîgeha Tîpa T a Îskenderûnê tê ragirtin, rapora “rewşa wî ji bo girtîgehê guncav nîne” da. Parêzerên Guler, ji bo sewqa ATKê serî li Serdozgeriya Komarê ya Îskenderûnê dabûn.
Guler, di 20ê hezîranê de sewqî ATKê bû. 11emîn Lijneya Texsîsê ya ATKê têkildarî rewşa Guler di 27ê Hezîranê de rapor amade kir. Lijneyê bal kişand ser temen, tenduristî, derman û raporên ku nexweşxaneyan dane Guler û rapora “Jiyana xwe nikare bi tena serê xwe bidomîne” da.
Serdozgeriya Komarê ya Îskenderûnê, duh bi nivîsekê têkildarî rewşa Guler pirsa “Ji bo civakê xeter e” kir. Piştî bersiva emniyetê dê biryar bê dayîn.
Parêzera Guler Mehtap Sert diyar kir ku ATKê berê jî biryarek wiha dabû lê rexmê wê nehatibû tehliyekirin. Mehtap Sert got: “ATK, di vê mijarê de pispor e. Piştî ku ATK biryareke wiha dabe ji bo çi ji eminiyetê tê pirsin? Ev rewş berdewamiya îşkenceyê nîşan dide. Em vê yekê bi tu awayî qebûl nakin.”
