Brîtanya ragihand ku ew ê keştiyek şer û helîkopteran bişîne Rojhilata Navîn û destnîşan kir ku keştî wê çend roj şûnde bigihêje herêmê.
Serokwezîrê Brîtanyayê Keir Starmer ragihand ku ew ê keştiyek şer û helîkopteran bişîne Rojhilata Navîn da ku şiyanên parastinê werin xurtkirin. Li gorî Politico, Starmer da zanîn ku welatê wî dê keştiya şer HMS Ragon û helîkopterên ku bi şiyanên dijî-dronan hatine sazkirin bişîne Qubrisê.
Berdevkê Wezareta Parastinê ya Brîtanyayê diyar kiribû ku hêzên wan ên çekdar ji bo parastina gelê wan, baregeh û hevkarên wan ên li herêmê dewriyeyên hewayî yên parastinê didomînin. Ew ê hûrguliyên berdewam ên operasyon an bicihkirinên taybetî nedin. Heman çavkaniyan da zanîn ku keştî dê çend rojan bigihêje herêmê.
Serokwezîrê Brîtanyayê pabendbûna xwe ya ku piştgiriyê nede êrişên hevbeş ên destpêkê yên Amerîkî-Îsraîlê li dijî Îranê nîşan dabû.
Fransayê biryar dabû ku sîstemên dijî-mûşek û dijî-dronan bişîne Qubrisê, di heman demê de Yewnanistanê piştî êrişên dronan ên roja duşemê ferman da balafirên şer bişîne giravê.
