Komeleya Ji Bo Pêşerojê Em Li Vir in (GÎB-DER) li Parka Eyşe Şanê ya Rezanê bi şahiyekê hate vekirin. Di bernameya vekirinê de deklerasoyan ku hat xwendin û hate diyarkirin ku GÎB-DER bangek e ku em li dijî bêdengiyê bibin dengek û li dijî tariyê jiyana demokratîk ava bikin.
Komeleya Ji Bo Pêşerojê Em Li Vir in (GÎB-DER) li Parka Eyşe Şanê ya li navçeya Rezana Amedê bi şahiyekê hate vekirin. Setmedarê Kurd Çetîn Arkaş, Dayîkên Aştiyê, nûnerên partiyên siyasî, endamên saziyên sivîl, hevşaredarên navend û navçeyên Amedê, gelek ciwan tevlî bernameyê bûn. Di bernamê de pankartên “Ciwan ji bo pêşerojê keleha berxwedanê ne”, “Aştî mafê me ya komun warê me ya, jin û ciwan hêzên me ne”, “Li ser şopa heqîqetê bi gavên ciwanan, komunên xwe yên azad ava bikin” hatin vekirin.
Dui bernameya vekirina GÎB-DERê de deklerasyona du zimana hate xwendin. Metna deklerasyonê bi Kurdî Hasan Karsu û Tirkî jî Berîtan Ateş xwend.
‘Civaka demokratîk civakbûyînek pirrengiyê ye’
Hasan Karsu diyar kir ku ciwanbûyîn li vê erdnîgariyê ne tenê bi tunekirina pêşerojê re rû bi rû dimînin, di heman demê de bi şer, polîtîkayan, newekheviyên kûrtir, înkarkirina nasnameyê, xizanî, bêkarî, wêrankirina ekolojik, bêhêviya sîstematîk re jî rû bi rû dimînin û got: “Lê em dizanin ku ciwan ne tenê qurbanê van krîzan e, di heman demê de hêza herî mezin a damezinêrê veguherîna demokratîk e. Ji ber vê yekê em li vir in. Em, wekî ciwanan bawer dikin ku gel dikare li ser bingeha jiyanek wekhev, azad û bi rûmet bi hev re bijîn û aştiyê wekî bingeha bingehîn a jiyana civakî û civaka demokratîk wekî alternatîfa rastiyê ya sereke ji bo pêşerojek hevpar dibînin. Ji ber ku em bawer dikin aştiya rastîn ne tenê rewşek bê pevçûnê ye, lê belê avakirina edaletê, hemwelatîbûna wekhev, nasnameyên azad û beşdariya demokratîk e. Civaka demokratîk civakbûyînek pirrengiyê ye, ne tekparêzî ûînkarê ye, îradeya jiyana bi hev re ye. Bi vê têgihîştinê, me Komeleya Ji Bo Pêşerojê Em Li Vir in (GÎB-DER) damezrand; bi armanca ku ciwanan bikin mijarên çalak ên civaka demokratîk, piralî, berfireh û domdar a li ser bingeha rûmeta mirovan û mafên mirovên gerdûnî bijîn.”
‘Îradeya kolektîf a ciwanan mezin dike’
Hesen Karsu destnîşan kir ku ciwanan ne tenê wekî beşek civakî ya “amadekariya pêşerojê” pênase dikin û wiha domand: “Di heman demê de em wekî hêzek pêşeng a îradeya guhertina jiyana siyasî, çandî û civakî ya vê demê dibînin. Ji ber vê yekê, têkoşîna me li ser van bingehan ava dibe; Zêdekirina beşdariya demokratîk, misogerkirina ku ciwan di pêvajoyên biryardayinê de rasterast xwedî gotin bin, parastina azadiya jinan û wekheviya zayendî di hemû warên jiyanê de, pêşxistina cihêrengiya çandî û jiyana pirzimanî, xurtkirina têgihîştina jiyana ekolojîk û domdar, têkoşîna qada tenduristiyê û avakirina civaka tendurist, mezinkirina çandek jiyana hevpar li dijî cudakarî, yek rengiyê û siyaseta nefretê, anîna ciwanan bi hevgirtina rêxistinkirî li dijî polîtîkayên tiryakê, îstismarkirinê, tecrîd û bêhêvîtiyê ye. Em dizanin ku civaka demokratîk ne tenê bi sazî û dezgeyên siyasî, di heman demê de bi hişmendiya civakî ya rêxistinkirî jî tê avakirin.”
Di berdewamiya axaftina xwe Hasan Karsu qala armanca GÎB-DERê kir û wiha pêde çû: “Li taxan, li qadên tenduristiyê, qadên dîjitalê, di çalakiyên çand û hunerî de, hilberîna akademîk de, di têkoşîna ekolojîk de, di warê mafên mirovan û hiqûqê de, di çalakiyên werzîş, çand, hevgirtinê de îradeya kolektif a ciwanan mezin dike.
‘Li dijî bêhêvîtiyê hêviya rêxistinkirî dide destpêkirin’
Hasan Karsu di dawiya axaftina xwe da zanîn ku ew jiyana hevbeş a wekhev û azad a ciwanan ji hemû gelan diparêzin. Hasan karsu destnîşan kir ku ew dizanin ku azadiya tu gelî nikare li ser înkarkirina gelekî din were avakirin û wiha bi dawî kir: “Ji ber vê yekê, em nijadperestî, zayendperestî, cudakarî, talankirina xwezayê û her cûre têgihîştinên otorîter ên ku ciwanan pasîf dikin red dikin. Li şûna wê; em wekî berpirsiyariyeke dîrokî dibînin ku siyaseta demokratîk, diyaloga civakî, xwişk û biratiya gelan, rizgariya jinan, jiyana ekolojîk, civaka tendurîst, hemwelatîbûna beşdar, têkoşîna ciwanan a rêxistinkirî berfireh bikin. Ji ber ku ji bo me, ciwan ne tenê kategoriyek temenî ye, lê ciwantî cesareta avakirina jiyanek azad e. GÎB-DER bi îdiaya ku li dijî bêhêvîtiyê hêviya rêxistinkirî dide destpêkirin. Ji îro û pê ve, em parastina aştiyê, berfirehkirina civaka demokratîk, aşkerekirina rastiyê û avakirina jiyanek wekhev û azad bi hev re wekî erkê dîrokî yê ciwanan dibînin. Ev bang ne tenê bangek ji bo damezrandina komeleyekê ye. Ev bang bangek e ku em li dijî bêdengiyê bibin dengek, li dijî tenêtiyê hevgirtinp xurt bikin, li dijî înkarê bibin rastî û li dijî tariyê jiyana demokratîk ava bikin. Ji ber ku em bawer dikin: Aştî dê bi ciwanan re mezin bibe. Civaka demokratîk dê di bin pêşengtiya ciwanan de were avakirin.”
Piştî xwendina deklerasyonê bernameya vekirinê bi stranên Kolektîfa Rîtmên Azad, Kadîr Çat û GerokMa berdewam kir.,
